عمل قرص الفرن بالسكر والسمسم اسهل واحلى طريقة

اهلا بكم من جديد فى موقع اون اي تي في نقدم اليكم اليوم اكلة جديدة بعنوان قرص الفرن بالسكر والسمسم بطريقة سهله وبسيطة داخل المنزل

المقادير

5 كوبايات دقيق
4 معالق كبار زبدة
4 معالق كبار زيت
كوباية ونص لبن رايب او كوباية ونص زبادي
معلقتين كبار قشطة
معلقة كبيرة سكر
معلقة كبيرة خميرة
رشة ملح
معلقة صغيرة بيكينج بودر
وللحشو
5 معالق سكر+قرفة
على الوش ربع كوباية سمسم+ربع كوباية سكر

طريقة التحضير

نجيب الدقيق ونحط عليه معلقة كبيرة من السكر ومعلقة كبيرة من الخميرة والبيكينج بودر والملح ومعلقتين القشطة والزبادي او اللبن الرايب
ونضيف كمان الزبدة والزيت ونعجن لو لقتيها محتاجة دقيق او مية ممكن تحطي ونعجن لحد ما العجينة تتلم
نغطيها بفوطة نضيفة ونسيبها تخمر لحد ما يضاعف حجمها
نبتدي نقطعها كور اد الليمونة لحد ما نخلص كل الكمية
ونبتدي نفرد واحدة واحدة ونحشيها بالسكر والقرفة ونلمها ونبططها ونرش عليها السمسم والسكر لحد ما نخلص الكمية ونرص في صينية مدهونة بالزيت
نسيبها تخمر لمدة نصف ساعة وبعدين نسويها على درجة حرارة 200 لحد ما تستوي وبألف هنا

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy