طريقة عمل مخلل الزيتون فى المنزل

اهلا بكم من جديد فى موقع onettv نقدم اليكم اليوم طريقة عمل مخلل الزيتون والفلفل فى البيت بطريقة سهله وبسيطة وداعا لنقع الزيتون مرة اخرى .

دة احلي زيتون من غير نقع وتغيير مياة طعمه روعة وتحفة وهينال اعجاب جميع افراد الاسرة  .

الطريقة

هانجيب ٢ كيلو ليمون و٢كيلو زيتون وفلفل
اول حاجة نسلق الليمون يغلي مرة واحدة ونطفي علية
ونجيب الزيتون نعمل فية تلات شقوق علشان يستوي بسرعه
لغاية هنا تمام
هانبشر جزر الكمية حسب الرغبة وتلات معالق كبار هريسة وحوالي نص رأس توم متقطعة شرائح بيفرق طعم النوم في المخلل اوي⁦ ⁩وملعقة صغيرة حبة بركة ومعلقة كبيرة سكر
السكر بيخلي المخلل مقرمش وبيحافظ علية
نجي بقي المحلول الملحي نركز شوية في الخطوة دة
هانغلي مياة حسب كمية المخلل اللي عندنا كل لتر مياة علية
معلقتين كبار ملح
ونسيب المياة تغلي ونطفي عليها ونسيبها تبرد تماما
ونكون عندنا عصير ليمون حوالي كوباية ونخلي قشر الليمون
اللي احنا عصرناة
هاندوب الملح والسكر وحبة البركة وعصير الليمون في المياة
بعدين نجيب البرطمان ونحط شوية من خلطة الجزر والهريسة والتوم
ونحط شوية ليمون وزيتون وفلفل وهكذا بالتبادل لغاية ما يخلص المقدار ونفضل بأيدينا ننزل المكونات في البرطمان
واخيرا نحط قشر الليمون علي وش البرطمان وبعدين نحط شوية زيت واخيرا المحلول الملكي
بجد احلي وصفة المخلل الزيتون من غير نقع والله هاتجبكم جدا ولازم نغطي البرطمان كويس جدا علشان الهوا ويا ريت نحط كيس تحت الغطا ونفتح علية بعد اسبوعين
جربوها والله علي طول هاتعملوا المخلل بالطريقة دي
وبعد اسبوعين كلي احلي مخلل وبالهنا والشفا مقدما،

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy